Novos casos de repressom no Estado espanhol

Na passada quinta-feira 26 de novembro produzírom-se três novas detençons no Estado espanhol por exercer a liberdade de expressom. Estes feitos enquadram-se na sistemática açom repressiva dos corpos e forças de seguridade do Estado contra as capas populares da sociedade.

Entre os processados atopa-se Suso Cela Seoane, vizinho de Corunha que passadou 27 anos e 4 meses da sua vida seqüestrado polo Estado pola sua militância antifascista nos GRAPO. A sua detençom tivo lugar perto do seu domícilio quando se dirigia a umha concentraçom solidária contra um despejo no bairro de Elvinha que foi consumado ao dia seguinte graças a umha desmedida violência policial. Nessa concentraçom houvo também um detido.

Após a detençom, os encausados passárom a disposiçom judicial e fórom postos em “liberdade” com cargos na quinta-feira pola manhá. Imputa-se-lhes um delito de “enaltecimento do terrorismo” pola sua particpaçom numha palestra celebrada em Laudio (Araba) em 2013 sobre a situaçom do movimento obreiro e as presas políticas. Trata-se, polo tanto, dum novo caso de agressom por parte do Estado espanhol contra a liberdade de expressom da classe trabalhadora, o qual forma parte dumha estratêgia pressiva geral que pretende acalar as vozes discordantes do povo contra o sistema atual.

Também na passada semana o Tribunal Supremo reafirmou a condenaçom a 18 meses de prisom a umha rapaça basca por colocar no gaztetxe de Gernika umha pancarta com o símbolo de ETA.

Desde o Comité de Solidariedade com as Retaliadas Políticas (CSRP) exigimos a nulidade de todos estes processos penais contra o direito elemental de protetas e exprimir opinions livremente, por mui prejudiciais que forem para os interesses do Estado.

Pola liberdade de expressom!

Contra a sua repressom, a nossa solidariedade!