Once anarquistas detidas en Barcelona

Novo golpe represivo: Detidas 11 anarquistas acusadas de “terrorismo”,  7 en prisión preventiva.

Na madrugada do pasado martes por orden da Audiencia Nacional  máis de 400 Mossos d'Esquadra  levan acabo 10 detencións en Barcelona  e unha en Madrid.  Neste  operativo invaden tanto  as vivendas das detidas como o emblemático centro social Kasa de la Muntanya.  Tras un  minucioso rexistro non atopan nin un só gramo de explosivos, nin unha soa arma,  só   “numerosa documentación”.  Na tarde do xoves pasan a disposición xudicial e o xuíz decreta prisión preventiva para sete das detidas.

Os argumentos para decretar a prisión preventiva son os seguintes  “decenas de indicios tanto de unidade ideolóxica, como da  estratexia para desestabilizar o  Estado e alterar gravemente a paz pública". E logo continua o informe  policial  "Os  GAC (...)  sen a debida coordinación, non  podería lograr o obxectivo final,  a loita  revolucionaria contra o Estado, para provocar o seu colapso".

Como vemos agora que xa non existe o  “terrorismo vasco” pasan a ser terroristas todas aquelas persoas que se organizan  cunhas ideas en común  (“unidade  ideolóxica”)e que proclamen a “loita revolucionaria contra o Estado”.  E decir, todas aquelas persoas que non acepten este sistema, que se mobilizan contra o mesmo ou simplemente expresen a súa pretensión  de cambiar a realidade fora das institucións do  mesmo.  Para evitar a protesta social o estado  só entende de persecución, acoso, detencións e cadea.

Dende o CSRP denunciamos este novo golpe represivo, que só ten coma fin a criminalización das protestas e da loita social. Así como que se encadra dentro dunha política de atemorización cara a poboación co pretexto do terrorismo coa fin de xustificar a aplicación da Lei Mordaza. Deste xeito esiximos a liberdade inmediate das encarceradas e a absolución sen cargos das outras detidas así como das detidas nas manifestacións en resposta a esta nova montaxe policial.

Finalmente chamar a poboación a participar amplamente nas diversas mobilizacións polas liberdades políticas, contra calquera golpe represivo e especialmente contra a aprobación da Lei de Seguridade Cidadá.

Veñen a por todas nós!

Liberdade e absolución para as  presas e detidas!