NOTA INFORMATIVA POLA IMPUTACIÓN DE CATRO ESTUDANTES POLO ESCRACHE AO HOMÓFOBO DOMINGO NEIRA
O próximo día 2 de decembro Antía, Atanes, Felipe e Mario estamos
chamadas a declarar pola nosa imputación nun delito de coacción polo
escrache realizado ao profesor de Ciencias de Educación Domingo Neira.
Na facultade de Campus Sur, arredor de 70 persoas persoas convocadas
polo Peche Historia nos concentramos para esixir a súa inmediata
expulsión da USC, motivadas polos seus persistentes comentarios
discriminatorios coa diversidade sexual e as mulleres.
O profesor
Neira destaca dende hai anos nas súas aulas polo seu posicionamento
homófobo e sexista, con bromas constantes e insultantes, mais tamén
asegurando que cando di, por exemplo, que "a homosexualidade é
contaxiosa" ou que é "un vicio" se basea en estudos científicos. Isto
levou a que no pasado ano académico 2013-14 as e os seus alumnos
denunciasen publicamente o seu comportamento, coa reacción do profesor
reiterando os seus comentarios argumentando a súa suposta función de
"crear consciencia crítica no estudantado. O Decanato, a pesar do seu
silencio inicial, consentiu en levar o caso a un tribunal de
investigación (entendemos que pola ampla repercusión mediática), e o
procedemento rematou nunha sanción que creíamos definitiva. Mais
sorprendentemente foi ao ano seguinte cando nos atopamos con que Domingo
Neira retomaba a súa actividade laboral na USC, xa que apenas estivo
suspenso algo máis dun cuadrimestre.
Por todos estes motivos
denunciamos a situación, levándoa ata a mesa de negociacións co recién
electo reitor Juan Viaño. Neira continuou no posto, facendo a USC oídos
xordos ao estudantado. Atopámonos entón na necesidade de facer ver nas
propias facultades que no imos aturar máis a discriminación nas nosas
aulas, e foi por iso que o 13 de maio loitamos contra a censura e
acudimos á chamada do Peche Historia para demostrar que na Universidade
pública non hai espazo para as condutas que queren facer do seu odio
irracional materia de exame.
No escrache, as únicas violentadas e coaccionadas fomos nós, que en
ningún momento agredimos ao mencionado profesor. Non renunciamos a nosa
lexitimidade á hora de denunciar discursos claramente homófobos nas
aulas da USC nin a nosa actuación aquel día, que non foi máis que a
consecuencia da pasividade das institucións universitarias en torno aos
prexuízos do seu profesorado.
Agora somos chamadas a declarar por
supostas coaccións, o cal é irónico tendo en conta que o comportamento
de Domingo Neira, mais tamén das e dos individuos que o defenderon, ten
bastante de coaccionador e, non o esquezamos, de violento. Cabe destacar
que son as dúas persoas que formulan a denuncia: a Secretaria Xeral da
USC, Consuelo Ferreiro Regueiro, e a Vice-decana da Facultade de
Ciencias da Educación, María Jose Mendez Lois. Isto da unha idea do grao
de complicidade que ten a directiva da USC con este docente e a súa
conduta homófoba, mais tamén do escaso compromiso no que se atopa esta
institución co respecto polas liberdades sexuais e a loita feminista.
En poucos días, e de cara a vista do xuízo, iniciaremos unha campaña de
socialización do noso caso e denuncia da represión que sofremos polo
simple feito de berrar que non queremos homofobia nas nosas aulas.
Seguimos firmes na loita por unha sociedade libre de Patriarcado e chea
de tolerancia.
No hay comentarios:
Publicar un comentario