[8 de Marzo] Basta de represión contra as mulleres presas!

O Día da Muller Taballadora é un día para visibilizar e denunciar a situación opresiva á que son sometidas as mulleres. Deste xeito, dende o CSRP queremos aproveitar para denunciar e dar luz á situación da represión cara ás mulleres, cousa habitualmente esquecida, especialmente a que se vive detrás dos muros das prisións.

O patriarcado é un sistema de opresión cara ás mulleres transversal tanto á historia como á sociedade, o cal se reflexa na dura situación das mulleres presas.  A pesares do silencio mediático, comezan a saír á luz casos de violacións, prostitucións forzadas e outros tipos de malos tratos por parte dos funcionarios de prisión cara ás reclusas. Entre estes casos atópase o da prisión de Brieva en Avila,onde foron imputados catro funcionarios por manter, dentro da prisión, unha rede de regalos e coaccións para forzar ás mulleres a manter sexo non consentido cos carcereiros. Estes feitos sucédense de forma sistemática polas prisións de todo o Estado.Máis sangrante é a situación que sofren as mulleres migrantes internadas nos centros de exterminio que son os CIE’s, nos cales entran polo simple feito de ser estranxeiras, “ilegais” a ollos deste Estado, e sen saber cando volverán saír, sendo, en moitos casos, separadas dos seus fillos.

Por outra banda,queremos recordar a todas as loitadoras que están presas no Estado Español por protestar e loitar pola liberdade, ás setenta e dúas presas políticas que están encerradas nas cadeas polas súas ideas. Con respecto a elas, cabe destacar nestes momentos a gravísima situación que sufre a presa Arantza Díaz, militante comunista e polos dereitos da muller que padece cancro e esta a ser desatendida dentro da cadea. De todas e todos depende denunciar este caso e esixir a súa inmediata liberdade para que non siga o tráxico camiño doutras presas políticas como Isabel Aparicio, morta fai case un ano por desatención médica na prisión. Deste xeito, facemos un chamamento a facer sentir o noso apoio ás presas políticas, tanto na  rúa, como a rachar co seu illamento escribíndolles á prisión.

Basta de malos tratos e violacións contra as mulleres nas cadeas!

Liberdade presas políticas!

Para máis información:

-Juzgan a un exjefe de servicio de la cárcel por los supuestos intentos de abuso a una presa:

http://www.diariodeibiza.es/pitiuses-balears/2014/10/10/juzgan-exjefe-servicio-carcel-supuestos/724649.html

-Reclusas forzadas al sexo con funcionarios en la cárcel de Brieva [Ávila]:

http://sinmujeresnohayrevolucion.blogspot.com.es/2015/01/reclusas-forzadas-al-sexo-con.html

- Escándalo por tráfico sexual en la cárcel de mujeres de Meco.

http://www.libertaddigital.com/sociedad/funcionarios-de-una-carcel-de-madrid-se-acostaban-con-las-presas-a-cambio-de-favores-1276390888/

-MartínezEscamilla, Margarita (2013) Mujeres en el CIE. Género, inmigración e internamiento.:

http://eprints.ucm.es/21399/3/Mujeres_en_el_CIE_Marga_v_3.pdf

-Lista 72 presas políticas no Estado Español:

http://amnistiapresos.blogspot.com.es/2015/03/72-presas-politicas-en-el-estado-espanol.html?m=1

- Arantza Díaz Villar, presa política comunista gravemente enferma:

http://lamanchaobrera.es/arantza-diaz-villar-presa-politica-comunista-gravemente-enferma/